تذكرون أيام المدرسة لما كنتوا تيون الإمتحان ومو دارسين
وكنتوا تلجؤون لبعض الطرق الملتوية
لتعيونوا بعضكم البعض
أو بصريح العبارة
تغشون
أبي كل واحد يقولي عن ذكريات الغش أيام زمان
أبي مواقف مضحكة
أبي إحساسكم لما كان المدرس إي يلخبط الصف
ويخرب عليك المكان اللي انت مخطط عليه
وحاط أشطر ناس يمك
وإيي المدرس باردة مبردة يقولك
" إنت يا واد تعاله أعد هنا "
مثلا
وبالمرة أبي تعليق على الصورة
الصراحة آنا مادري شلون هذه الفكرة ما يت على بالي
:P
ولكم مني أجمل تحية أتمنى الكل يشارك
وفورزا للديوانية
6 comments:
طبعا عيال ثانوية كيفان اللي بالديوانية ما تخفى عنهم هالمسألة
وهم دكاتره بهالموضوع
والله يا كابيتانو بما اني انا وزميلي فيزوو ندرس في مصر وانشالله شهر 6 خالصين وايد تمر علينه من هالسوالف الغش وما شابه
بس طريقة الغش الي نواجهها غير عن طريقتنا ايام الثنويه يعني مثلا ايام الثنويه نكتب على الطاولة وانتدخل برشامة صغيره ساعات وندبسها بلاتي شيرت من داخل
اما في مصر فهناك عدت طرق طال عمرك مثلا ادخل الكتاب بكره وياك واذا قالك المراقب شي اتخزه وتقوله اذلف طبعا هذا الشي قاعد انشوفه بالقاعة بس مو احنه الي نسويه يعني اندخل برشامه اوكي شغل ثنويه بس الشباب الكويتيين بالأخص هناك في مصر لا تشوفهم ما اخلص لو اقولك شنو يسوون
واتمنى من زميلي فيزوو انه يقول المواقف الي واجهها هناك في ام الدنيا
ورادلكم انشالله
الصراحة ما أدري شقوليك ... بس أذكر ان الآلة الحاسبة وايد ظبطتنه في امتحانات الرياضيات بالأسئلة الموضوعية و خصوصا في مواد التخصص الموميري الي فيها كان عجيب ومحد منتبهلة من المدرسين
الله يخلي الكلينيكس
من غشنا فليس منا
والله الصراحة وايد مواقف خلنا من مصر شوي لأن مصر اصلن كلها ماشيه بالغش
:P
والله اذكر ايام المعهد امدخل برشامه وطاحة مني ولا غشيت منها ولا شي
وسبحان الله يبت في هالأمتحان درجة كاملة
:)
اييي ولا على مصر اذكر مرة قمت من الكرسي الي انا فيه 10 مرات عشان اساعد الموجودين
;p
فيزووو
توه تقول من غشنا فليس منا
وآخر سطر تقول
قمت عشر مرات عشان أساعد (أغشش)الموجودين
الله يهديك بس
:P
Post a Comment